Elordada Baıseıitova men Imanov kósheleri jartylaı jabylady
NUR-SULTAN. QazAqparat - Elordanyń jol qozǵalysy qaýipsizdigin qamtamasyz etý maqsatynda Kúlásh Baıseıitova kóshesi men Imanov kóshesindegi kópirdiń jol tósemin ortasha jóndeý jumystary bastalady, dep habarlady qala ákimdiginiń resmı saıty.
Bul baǵyttaǵy jumystar Kólik jáne jol-kólik ınfraqurylymyn damytý basqarmasy Nur-Sultan qalasy Polıtsııa departamentiniń ákimshilik polıtsııa basqarmasynyń kelisimimen júzege asyrylady.
3 jáne 4 shilde kúnderi jóndeý jumystarynyń júrgizilýine baılanysty Imanov kóshesindegi kópir, ıaǵnı Q.Muńaıtpasov kóshesinen A. ıAnýshkevıch kóshesine deıingi aralyq jartylaı jabylatyn bolady. Atap aıtqanda, jol tóseminiń betki qabatyn tóseý jumystary júrgiziletin bolady.
Sonymen qatar, bıyl 3-9 shilde aralyǵynda Kúlásh Baıseıitova kóshesinde Konstıtýtsııa kóshesinen Qarasaı batyr kóshesine deıingi bóligi ishinara jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», - delingen kólik basqarmasynyń habarlamasynda.
