Elordada baýkespe urylar seıfter men termınaldardy ǵana tonap kelgen
NUR-SULTAN. QazAqparat – Elordadaǵy polıtsııaǵa kásipkerlerden keńse, dúkenderi tonalǵany jóninde birneshe shaǵym túsken, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmeti.
Qylmyskerler beınebaqylaý kameralary men dabyl júıesiniń joqtyǵyn paıdalanyp, tereze arqyly ishke kirgen. Seıfter men tólem termınaldaryn qıratqan. Olar iri kólemdegi aqshany, qymbat tehnıka men buıymdardy qoldy etken.
Polıtseılerdiń nazaryna úsh astana turǵyny túsken. Olardyń ekeýi buryn aýyr qylmys jasaǵandary úshin sottalǵan.
Qylmyskerler 7 tamyzǵa qaraǵan túni B.Momyshuly dańǵylynda ornalasqan kompanııa keńsesiniń plastık terezesin maıystyryp, temir toryn buzyp kirgen. Seıfti syndyryp, iri somany, eki noýtbýkty jáne basqa da taýarlyq-materıaldyq buıymdardy alyp ketken.
10 tamyzda izdestirý sharasy barysynda 3 qylmysker qalanyń ár jerinen ustalyp, tintý kezinde aıǵaq zattar tárkilendi.
Kúdiktiler Nur-Sultan PD ýaqytsha ustaý ızolıatoryna qamaldy.
Qazirgi ýaqytta olardyń basqa da qylmystarǵa qatystarynyń bar-joǵy anyqtalyp jatyr.
Tártip saqshylary osyndaı jolmen zattary urlanǵandar bolsa qalalyq polıtsııa departamentine nemese 8 (7172) 71-60-28, 71-60-69, 102 nómirlerine habarlasýyn suraıdy.
