15:41, 03 Tamyz 2024 | GMT +6
Elordada Baýyrjan Momyshuly dańǵyly úsh kúnge jabyldy
ASTANA. KAZINFORM — Astanada taǵy bir dańǵylda kólik qozǵalysyna ýaqytsha tyıym salyndy.
Astana kólik jáne jol-kólik ınfraqurylymyn damytý basqarmasy Baýyrjan Momyshuly dańǵylynyń Táýelsizdik dańǵylynan bastap Qanysh Sátpaev kóshesine deıingi ýchaskesinde joldyń ústińgi qabatyn tóseý úshin jumys júrgiziletinin habarlady.
Kórsetilgen ýchaske 3-5 tamyz aralyǵynda tolyǵymen jabylady.
Bul rette avtokólik qozǵalysy irgeles kósheler boıymen uıymdastyrylady.
«Astana turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýyn suraımyz. Ýaqytsha qolaısyzdyq úshin keshirim suraımyz jáne jol-qurylys jumysyna túsinistikpen qaraıdy dep úmittenemiz» deıdi ákimdikten.
