Elordada bashqurt halqynyń «Iyıyn» merekesi ótedi
Nur-Sultan. QazAqparat - Elordada bashqurt halqynyń «Iyıyn» merekesi ótedi, dep habarlaıdy QazAqparat Elorda Infoǵa silteme jasap.
Shara Bashqurtstan Respýblıkasy Ákimshiliginiń «Akbýzat» bashqurt etnomádenı ortalyǵy, Nur-Sultan qalasynyń ákimdigi, Nur-Sultan qalasy Qazaqstan halqy Assambleıasy, Reseı Federatsııasynyń Qazaqstan Respýblıkasyndaǵy Elshiliginiń qoldaýymen ótkiziledi.
Merekeniń maqsaty – Qazaqstanda turatyn halyqtardyń birligi men dostyǵyn nyǵaıtý, bashqurt halqynyń mádenı dástúrlerin saqtaý jáne damytý.
17 tamyzda (18:00-20:30) Nur-Sultan qalasynyń Dostyq úıinde Bashqurtstan resmı delegatsııasynyń qatysýymen dóńgelek ústel ótedi. Sondaı-aq, túrli elderdegi bashqurt dıasporasynyń onlaın-qosylýy josparlanýda.
Sharanyń ekinshi kúni 18 tamyzda saǵat 17:00-de elordalyq «Jetisý» saıabaǵynda «Iyıyn» merekesiniń saltanatty ashylýy ótedi. Bul kúngi merekeniń qonaqtary Bashqurtstan ókilderi, QR-daǵy RF Elshiligi jáne Nur-Sultan qalasy Qazaqstan halqy Assambleıasynyń músheleri.
Mereke barysynda Bashqurtstan, Reseı ártisteri men Nur-Sultan qalasy kórkemónerpazdarynyń kontserti ótedi. Oıyndar, sporttyq jarystar men kórmeler kútilýde.
Aıta keteıik, «Iyıyn» - bashqurt halqynyń ejelgi dástúrli ádet-ǵuryptar merekesi retinde aıryqsha mańyzǵa ıe. Ol jaz mezgili men teńdik belgisi retinde atalyp ótedi. Erte kezden «Iyıyn» merekesi kezinde jastar arasynda túrli saıystar ótkizilip, onyń jeńimpazdaryna aıryqsha qurmet kórsetiletin.
