Elordada bas sanıtar qyzmetkerlerdiń 80 paıyzyna qashyqtan jumys isteýge keńes berdi
Qaýly tártibine sáıkes saýda ortalyqtarynda, taksıde, azyq-túlik dúkenderinde, qyzmet kórsetý obektilerinde jáne adam kóp jınalýy múmkin oryndarda dezınfektsııalyq is-sharalar jasalýy kerek.
Sonymen qatar, qalalyq qoǵamdyq kólik ıeleri jolaýshylarǵa qoljetimdi jerlerde sanıtaızer ornatyp, áleýmettik qashyqtyqty mindetti túrde saqtap, jolaýshylar men júrgizýshilerdiń maska kıip júrýin talap etýi tıis. Avtobýstardyń jumys kestesi saǵat 6.00-den 21.00-ge deıin belgilenip, qala mańyndaǵy qoǵamdyq kóliktiń jumysy qaıta jandanbaıdy.
«HQO jumysyn aldyn ala qatań túrde Egov.kz, EgovKZBot 2.0 telegram-bot arqyly kezek brondaý retimen kúsheıtilgen sanıtarlyq-profılaktıkalyq sharalardy saqtaı otyryp uıymdastyrý kerek. Jumys kúnderi saǵat 9.00-den 17.00-ge deıin, mamandandyrylǵan HQO saǵat 9.00-den 17.00-ge deıin, Call ortalyq jumysy saǵat 9.00-den 17.00-ge deıin, mamandandyrylǵan HQO-nyń senbi kúnderi saǵat 9.00-den 16.00-ge deıingi jumys isteıdi» delingen qaýlyda.
Odan bólek, sanıtarlyq-profılaktıkalyq is-sharalardy kúsheıte otyryp, ashyq aýada jumys isteıtin kóterme azyq-túlik jáne azyq-túlik satpaıtyn bazarlar saǵat 13.00-ge deıin ashyq turady. Sanıtarlyq-profılaktıkalyq is-sharalardy kúsheıte otyryp, ashyq aýadaǵy azyq-túlik jáne azyq-túlik satpaıtyn bazarlar jumys jáne demalys kúnderi saǵat 9.00-den 15.00-ge deıin isteýi kerek.
Aýyl sharýashylyǵy jáne azyq-túlik jármeńkelerin demalys kúnderi ǵana saǵat 9.00-den 17.00-ge deıin ótedi.
Turmystyq jáne elektrondyq tehnıkany, qurylys materıaldaryn satatyn dúkenderdiń (gıpermarketter, sýpermarketter, shaǵyn marketter) jumys kestesi - saǵat 8.00-den 20.00-ge deıin. Olar taýaryn onlaın tapsyrys qabyldap, kýrer arqyly jetkizýi tıis. Ózińiz alyp ketýge tyıym salynady.
Turǵyn úıde ornalasqan tamaq ónimderin satatyn dúkenderdiń jumysyn uıymdastyrý júktelgen.