Elordada «Barys» jedel aldyn alý is-sharasy ótkizildi - qalalyq ІІD
ASTANA. Qarashanyń 24-i. QazAqparat /Marlan Jıembaı/ - Astana qalalyq ІІD-niń Uıymdasqan qylmysqa qarsy kúres basqarmasy qyzmetkerleriniń «Barys» jedel aldyn alý is-sharasy kezinde jeńgetaılyqpen aınalysqan 2 adam qolǵa túsken.
Bul týraly búgin Astana qalalyq ishki ister departamentinde ótken baspasóz máslıhatynda osy vedomstvonyń memlekettik til jáne aqparat bóliminiń bastyǵy Nurdildá Oraz málim etti, dep habarlaıdy QazAqparat.
Atap aıtqanda, elordadaǵy «Jarqyl» haýyzynyń ákimshisi 3000 teńgege 25 jastaǵy Qyrǵyz Respýblıkasynyń azamatshasyn, al «Tıan-Shan» haýyzynyń ákimshisi 2000 teńgege 18 jastaǵy azamatshany jynystyq qyzmet kórsetýge usyný barysynda ustalǵan. «Bul oryndardyń ákimshileriniń ústinen qylmystyq is qozǵaý máseleleri qarastyrylyp jatyr», dedi N.Oraz.
Qazirgi ýaqytta elordadaǵy 20 monsha, 15 qonaqúı, 25 kóńil kóterý oryndary tekserilgen. Nátıjesinde jezókshelikpen aınalysqan 30 qyz qalalyq ІІD-niń «Obraz+», «Papılon» atty arnaıy baǵdarlamalarynda esepke alynǵan. Sonymen qatar, qujattary joq 9 azamat Astana qalalyq ІІD qabyldaý-taratý ortalyǵyna jetkizilgen.
