Elordada «Barys-Arena» qurylysy qarqyndy júrgizilýde

Ol «Barys» komandasynyń jańa úı arenasyna aınalady, dep habarlady elordalyq hokkeı klýbynyń baspasóz qyzmetinen.

«Qazirgi ýaqytta negizinen ǵımarattyń shatyryn jabý jumystary asa qarqyndy, al ishinde qajetti barlyq kommýnıkatsııalar tóselýde. Sport kesheninde shamamen 12 myń kórermendi jınaı alatyn negizgi muz aıdynynan bólek syrǵanaý alańy bar», - delingen taratylǵan aqparatta.

Sondaı-aq keshende eki basseın bolady, onyń biri sýǵa sekirýge arnalǵan munaramen jabdyqtalady.

Aıta keterligi, «Barys-Arena» sporttyq kesheniniń TMD aýmaǵynda esh balamasy joq. Qurylys jumystary 2016 jyly aıaqtalady.