Elordada barlyq mektep ashananalary tekseriledi
ASTANA. QazAqparat - Elordada barlyq mektep ashanalary tekseriledi. Bul týraly Astana qalalyq bilim basqarmasy málim etti, dep habarlaıdy QazAqparat.
Vedomstvo málimetinshe, ata-analardyń ótinishterinen keıin mektepte tamaqtaný sapasyn baqylaý úshin táýelsiz qalalyq komıssııa qurylǵan. Onyń quramyna Bilim basqarmasynyń qyzmetkerleri men ata-analar qaýymdastyǵynyń ókilderi kiredi.
«Sáýir aıynyń 3-inde, tórtinshi toqsannyń alǵashqy kúninde elordalyq 5 mektepke qaýipsizdik tehnıkasy erejeleriniń, sanıtarlyq jaǵdaılardyń jáne tamaqtanýdyń saqtalýyn baqylaý jáne monıtorıng júrgizý maqsatynda alǵashqy jumys sapary júrgizildi. Keshke qaraı, jasalǵan jumys qorytyndysy boıynsha komıssııa kemshilikter týraly aktiler men hattamalardy ázirledi. Olardyń negizinde Bilim basqarmasy mektep basshylyǵyna jáne jetkizýshilerge qarasty tıisti sharalardy qoldanatyn bolady», - delingen habarlamada.
Aldaǵy ýaqytta kez kelgen mektep ashanasyndaǵy kemshilikter tártiptik komıssııa otyrysynda qarastyrylyp otyrady.
«Aıta ketetin mańyzdy jaıt - bul jumys barlyq bilim berý uıymdarynda júzege asyrylady. Sondyqtan biz ata-analardy bul jumysqa belsendi túrde qatysýǵa jáne balalardy oqytýǵa yńǵaıly jáne qaýipsiz jaǵdaılarmen qamtamasyz etý úshin birge jumys isteýge shaqyramyz. Búgingi tańda ata-analar osyndaı komıssııalardyń jumysyna kirip, mektep ashanalarynyń jaǵdaıyn jaqsartýǵa tikeleı úles qosýǵa múmkindigi bar», - deıdi basqarmadan.
foto:ntv.ru
