Elordada bank menedjeri klıentterdiń shotynan qomaqty qarjy alǵan – polıtsııa
NUR-SULTAN. QazAqparat – Elordanyń polıtsııa qyzmetkerleri bank klıentiniń shotynan aqshanyń jymqyrylýyna baılanysty tergeý amaldaryn bastady, dep habarlaıdy QazAqparat tilshisi.
«Tergeý amaldary barysynda polıtsııa qyzmetkerleri bank menedjeriniń óz qyzmetin paıdalanyp, birneshe aı boıy ártúrli banktik operatsııalary arqyly klıentterge tıisti aqshany alyp otyrǵanyn anyqtady. Menedjerdiń áreketinen 7 adam zardap shekti. Olardan 297 myń teńge aqsha jymqyrylǵan», - dep habarlaıdy qalalyq polıtsııa departamenti.
Qyzmetin asyra paıdalanǵan áıel jumystan shyǵarylǵan. Qazirgi ýaqytta oǵan qatysty QR QK 188-baby (urlyq) boıynsha sotqa deıingi tergeý amaldary júrgizilýde.
