Elordada balany sheteldikterdiń asyrap alýyna qatysty máseleler talqylanady

ASTANA. 24 aqpan. QazAqparat - 24 aqpanda Astanada QR Bilim jáne ǵylym mınıstrligi «Balalardy qorǵaý jáne balany sheteldikterdiń asyrap alýyna qatysty yntymaqtastyq týraly konventsııanyń ratıfıkatsııalanýy aıasynda Qazaqstan zańnamasyn qoldaý» taqyrybynda respýblıkalyq semınar ótkizedi.

Atalǵan vedomstvonyń málimetinshe, semınarǵa Bilim jáne ǵylym, Syrtqy ister, Ádilet, Densaýlyq saqtaý, Іshki ister, Eńbek jáne halyqty áleýmettik qorǵaý mınıstrlikteriniń, QR Bas prokýratýrasynyń, Astana qalasy ıÝvenaldy sotynyń, Qazaqstan Respýblıkasyndaǵy BUU Balalar qorynyń (ıÝNISEF) ókilderi shaqyryldy. Sondaı-aq, semınar jumysyna oblystardyń, Astana jáne Almaty qalalary balalardyń quqyqtaryn qorǵaý qorǵaý departamentteri, bilim basqarmalarynyń qyzmetkerleri, Jetim balalar men ata-anasynyń qamqorlyǵynsyz qalǵan balalarǵa arnalǵan uıymdar dırektorlarynyń respýblıkalyq keńesiniń  músheleri, balalar úıleri men mektep-ınternattarynyń, sábıler úıleriniń basshylary qatysady.

Semınardy ótkizýdiń maqsaty - Balalardy qorǵaý jáne balany sheteldikter asyrap alýǵa qatysty yntymaqtastyq týraly konventsııanyń ratıfıkatsııalanýy aıasynda Qazaqstan Respýblıkasynyń zańnamasyna engizilgen jańa normalarmen tanystyrý.

2011 jylǵy 26 jeltoqsanda Qazaqstan Respýblıkasynyń Prezıdenti Konventsııa standarttaryn eskere otyryp, Ádilet mınıstrligi ázirlegen «Neke (erli-zaıyptylyq) jáne otbasy týraly» Qazaqstan Respýblıkasynyń Kodeksine qol qoıdy.

Kodeksti iske asyrý maqsatynda birqatar normatıvtik quqyqtyq aktiler (agenttikterdi akkredıtteý, balalardy sheteldikterge asyrap alýǵa berý, balalardy jáne bala asyrap alýǵa tilek bildirgen azamattardy ortalyqtandyrylǵan esepke alýdy uıymdastyrý qaǵıdalary jáne t.b.) ázirlendi.

Semınar aıasynda kodeksti jáne ony iske asyrý maqsatynda ázirlenip, qabyldanǵan normatıvtik quqyqtyq aktilerdi júzege asyrý máselelerin talqylaý josparlanyp otyr.

Otyrys jumysynyń qorytyndysy boıynsha tıisti usynymdar qabyldanady.