Elordada balany pyshaqtaǵan jasóspirim qazir qaıda otyr
ASTANA. KAZINFORM – Birer kún buryn astanalyq jasóspirim lıfti ishinde 5 jasar balany pyshaqtap tastaǵan edi. Keıin belgili bolǵandaı jasóspirim psıhıkalyq esepte turǵan.
- Astana qalasynyń mamandandyrylǵan aýdanaralyq tergeý sotynyń 2025 jylǵy 12 aqpandaǵy qaýlysyna sáıkes 2010 jyly týǵan jasóspirimdi tergeý sharalary kezinde densaýlyq saqtaý júıesiniń mekemesine, ıaǵnı psıhıatrııalyq statsıonarǵa ornalastyrý túrindegi qaýipsizdik sharasy qoldanyldy. Patsıentti baqylaýdyń kúsheıtilgen rejımi belgilendi, - dedi Qazaqstandaǵy balalar ombýdsmeni Dınara Zákıeva.
Eske sala ketsek, elordada jasóspirim lıfti ishinde balany pyshaqtap tastaǵan edi. Keıin belgili bolǵandaı pyshaqpen shabýyldaǵan jasóspirim arnaıy esepte turǵan.
Dárigerler zardap shekken balaǵa dereý ota jasap, psıhologııalyq kómek kórsetti.
Sondaı-aq elordalyq dárigerler jasóspirimniń pyshaqpen shabýylyna ushyraǵan 5 jasar balaqaıdyń jaǵdaıy aýyr ekenin aıtqan edi.
Aıta ketsek, elimizde minez-qulqynda psıhıkalyq aýytqýy bar qansha bala esepte turǵany týraly Densaýlyq saqtaý mınıstrliginiń sońǵy málimetteri jarııalanǵan edi.