Elordada «Balalarǵa kúlki syıla» qaıyrymdylyq kontserti ótýde
ASTANA. QazAqparat - Elordadaǵy Mega oıyn-saýyq saýda ortalyǵynda Halyqaralyq balalardy qorǵaý kúnine arnalǵan «Balalarǵa kúlki syıla» qaıyrymdylyq kontserti ótýde. Sharany «Qasıetti jol» qoǵamdyq qaıyrymdylyq qory uıymdastyrdy.
«Osy merekede biz balalarǵa shat-shadyman kóńil kúı syılap, olarǵa baqyt, densaýlyq pen tek kúlki tileıtindigimizdi bildirgimiz keledi. Kontserttik sharaǵa sal aýrýyna shaldyqqan balalardy arnaıy shaqyryp otyrmyz. Olar bizdiń qorymyz janyndaǵy Ońaltý ortalyǵynda em alyp jatyr. Jalpy, osy sharamyz arqyly biz eresekterdiń nazaryn balaǵa degen qamqorlyqqa aýdarǵymyz keledi», - dedi «Qasıetti jol» qoǵamdyq qaıyrymdylyq qorynyń prezıdenti Gúlmıra Əlimova.
Kontsertke qoǵam qaıratkerleri, Astana qalasyndaǵy koreı mádenı ortalyǵy, atalǵan ortalyq qyzmetkerleri qatysýda.
