Elordada balalardy rýhanı-adamgershilik turǵysynan tárbıeleý strategııasy talqylandy
Bul týraly QazAqparat QR Aqparat jáne qoǵamdyq damý mınıstrliginiń saıtyna silteme jasap habarlaıdy.
Іs-shara jastyq toptardyń áleýmettik-psıhologııalyq erekshelikterin eskeretin «Rýhanı jańǵyrý» baǵdarlamasynyń jańa ádistemelerin júzege asyrý aıasynda ótip otyr.
Otyrysqa el aımaqtarynyń bilim jáne tárbıe berý salasynda qyzmet etip júrgen uıymdardyń basshylary, qoǵam qaıratkerleri, muǵalimder, telearnalardyń jetekshileri qatysty.
Atalǵan joba óskeleń urpaqpen tárbıelik jumysty júrgizý prıntsıpterin júıeleý úshin «Pýhanı jańǵypý» baǵdaplamacynyń aıasynda júzege asyrylatyn bolady. «Rýhanı jańǵyrý» baǵdarlamasynyń qundylyqtaryn jan-jaqty túsinýin eskeretin sharalardyń mańyzdy bóligi retinde mektepke deıin jáne mektep jasyndaǵy balalardy rýhanı turǵyda tárbıeleý boıynsha oqý-ádistemelik quraldardy ázirleý bolmaq.
Mınıstr Aıda Balaeva: «Jalpy bul taqyryp – kópten beri kókeıde júrgen máselelerdiń biri. Ózderińiz bilesizder, bizdiń Mınıstrlik «Rýhanı jańǵyrý» baǵdarlamasyn júzege asyrýdy úılestirýshi organ. Sonymen qatar, qoǵamnyń jalpy jan-jaqty damýyna qatysty uıymdastyrý jumystaryn atqarady. Qoǵamdy damytý degenimiz ne? Ol eń birinshi árıne –óskeleń urpaqty tárbıeleý isinen bastaý alady. Bala tárbıesi – qashanda qoǵam úshin mańyzdy másele. Jasyratyny joq, búgingi kúngi balalardyń tárbıesine, olardyń oı qalyptastyrýyna áser etetin syrtqy faktorlar óte kóp. Sonyń ishinde ásirese, vırtýaldy álemniń, baqylaýdan tys ınternettiń yqpaly óte zor bolyp tur. Sondyqtan ýaqyt – urpaq tárbıesine jańa qyrynan qaraýdy talap etip otyr. Qazir, ókinishke qaraı, balalar arasynda qatygezdikke beıimdik, sýıtsıd, tózimdiliktiń tómendigi sııaqty túrli keleńsizdikter kezdesedi», - dedi.
Sonymen qatar, mınıstr bul suraq keshendi zertteýdi qajet etetindigin jáne qoǵam úshin bala tárbıesinde ata-anamen birge bala-baqsha, mektepterdiń de jaýapkershiligi óte úlken ekendigin atap ótti.
«Sondyqtan, bul jobany biz Bilim jáne ǵylym mınıstrligimen birlesip júzege asyramyz degen úmittemiz», - dedi Aıda Balaeva.
Sharaǵa qatysýshylardy Strategııamen «Rýhanı jańǵyrý» qazaqstandyq qoǵamdyq damý ınstıtýty basqarma tóraǵasynyń orynbasary Ásem Qaıdarova tanystyrdy. Ol, óz sózinde, qujatta «Rýhanı jańǵyrý» baǵdarlamasynyń qundylyqtaryn oqýshylardyń tereń uǵynýy men mektep baǵdarlamasy pánderimen ushtastyrýdaǵy usynymdarǵa erekshe kóńil bólingendigin jetkizdi.
Atalǵan qujat otansúıshishtik, ólketanýshylyq pen kásibı baǵdar berý baǵyttary boıynsha ázirlengen. Strategııa mektepke deıingi balalardy, bastaýysh, orta jáne joǵary synyptardyń oqýshylaryn qamtıdy.
Onlaı is-shara barysynda ózderiniń pikirimen Óskemen qalasy №27 orta mektebiniń qazaq tili jáne ádebıet pániniń muǵalimi Bek Muqanov, Nur-Sultan qalasy № 66 mektep-lıtseıi dırektorynyń tárbıe isi jónindegi orynbasary Tolqyn Beısekova bólisti. Sonymen qatar, talqylaýǵa «Balapan», «El Arna» telearnalarynyń basshylary Maqpal Jumabaı, Arman Seıtmamyt, «Ult taǵdyry» QB jetekshisi Dos Kóshim, «Atamnyn amanaty» QB jetekshisi Álııa Saǵymbaeva jáne basqalar qatysty.
Talqylaý barysynda qatysýshylar tarapynan mektepke deıin jáne mektep jacyndaǵy balalapdy pýhanı-adamgepshilik tárbıeleý turǵysyna qatysty birqatar usynymdar aıtyldy.
