Elordada balalardy sport sektsııalaryna tegin qabyldaý bastalady

ASTANA. KAZINFORM — Memlekettik sporttyq tapsyrysty iske asyrý aıasynda Astana qalasy ákimdiginiń «Memlekettik sporttyq tapsyrysty iske asyrý dırektsııasy» KMM balalardy sport sektsııasyna qabyldaý kezeginiń ashylatynyn málim etti.

Sonymen qabyldaý 28 qarasha kúni saǵat 15.00-de bastalyp, 30 qarasha kúni saǵat 00.00 deıin jalǵasady.

— Sonymen qatar, 2021 jylǵy 27 sáýirdegi № 120 buıryqtyń 2 Paragrafy 10 tarmaqshasyna sáıkes, balanyń zańdy ókiliniń ótinish berýi onyń jeke ózi nemese balanyń zańdy ókilderine berilgen senimhat boıynsha júzege asyrylatynyna nazar aýdarǵan jón. Osy talaptyń buzylýy anyqtalǵan kezde aqparattyq júıe kezektegi ótinishti jáne ol boıynsha berilgen vaýcherdi joıady, — delingen vedomstvo habarlamasynda.

Kezekti bólý 2021 jylǵy 27sáýirdegi № 120 buıryqtyń 12-tarmaǵyna sáıkes toqtatylady. 1 jeltoqsannan 31 jeltoqsanǵa deıin ótinimderdi qabyldaý, oryndardy bólý jáne aqparattyq júıeniń vaýcherlerin berý toqtatylady.

Aıta keteıik, budan buryn Astanada jolaýshylar avtobýsy túgi qalmaı janyp ketkenin jazdyq.