Elordada balalar úıleriniń tárbıelenýshileri men orta mektep oqýshylaryna arnalǵan mádenı sharalar ótedi
ASTANA. QazAqparat - 2015 jylǵy 1 maýsymda saǵat 14.00-de Qazaqstan Respýblıkasynyń Ulttyq mýzeıinde Halyqaralyq balalardy qorǵaý kúnine oraı «Bala degen bir baqyt» atty merekelik shara ótedi.
Bul týraly «Qazaqstan Respýblıkasynyń Ulttyq mýzeıi» aqparattyq-ımıdjdik jumys qyzmeti habarlady.
Shara barysynda Astana qalasyndaǵy balalar úıleriniń tárbıelenýshileri men orta mektep oqýshylaryna arnalǵan mádenı-aǵartýshylyq baǵytta birneshe is-shara uıymdastyrylatyn bolady:
Kúndizgi 12-den 14-ke deıin «Pervomaıskıı» balalar úıiniń tárbıelenýshilerine arnalǵan qaıyrymdylyq aktsııasy ótedi.
14.00-15.00 aralyǵynda Qazaqstan estrada ánshileri men Ulttyq mýzeı qyzmetkerleriniń balalarynyń qatysýymen qaıyrymdylyq kontserti.
Al, 15.00-18.00 aralyǵynda balalarǵa arnalǵan teatrlandyrylǵan taqyryptyq ekskýrsııalar, oıyn-saýyqtyq, tanymdyq baǵdarlamalar (Qazaq handyǵynyń 550 jyldyǵy, Qazaqstan halqy Assambleıasynyń 20 jyldyǵy, Jeńistiń 70 jyldyǵy men Qazaqstan Respýblıkasy Konstıtýtsııasynyń 20 jyldyǵyna arnalǵan) uıymdastyrylady.
