Elordada balalar úıindegi búldirshinderge sýburqaq tartý etildi
«Jalpy, kásipkerler únemi kómektesip, qoldaý bildirip otyrady. Metsenattardy aıtpaǵanda, qarapaıym turǵyndar da qoldarynan kelgenshe kómektesip turady. Osyndaǵy (balalar úıindegi) kóptegen dúnıe solardyń qolymen jáne kúshimen jasaldy», - dedi Mamandandyrylǵan balalar úıiniń dırektory Sáýle Kenjebaeva.
Onyń aıtýynsha, «Rýhanı jańǵyrý» baǵdarlamasy - qazaqstandyqtardy qaıyrymdylyq pen meıirimdilikke bastaıtyn birden-bir bastama.
«Qolynda beretin eshteńesi bolmas da, qandaı kómek kórsete alamyn?» dep keletin jandar bar. Syrt kózge qatygezder kóp bolyp kóringenmen, qýantatyny - qazirgi qoǵamda meıirimdi jandar óte kóp. Bizge qaıtarymsyz kómek retinde qarjylaı jáne rýhanı qoldaý kórsetetin jandar kóp. Tek kóbisi ózderin jarnamalaı bermeıdi», - dedi ol.
«Astana sý arnasy» tartý etken sýburqaqta áıel-ana beınesi keskindelgen. Qolyna júregin ustaǵan áıel beınesi ananyń balaǵa degen mahabbatyn sýrettep tur.