Elordada balalar shyǵarmashylyǵynyń «Balbóbek» 5-shi qalalyq baıqaýy bastaldy

dep habarlaıdy QazAqparat.

  Ashylý saltanatynda sóz sóılegen Astana qalalyq mádenıet basqarmasynyń bastyǵy Erkebulan Aǵymbaev aǵymdaǵy jyly 5-shi ret ótkizilip otyrǵan baıqaýdyń eń talantty, eń daryndy jeńimpazyna elorda ákimi I.Tasmaǵambetovtiń atynan kýbok beriletindigin atap ótti.  Sonymen qatar ol jas ónerpazdarǵa shyǵarmashylyq tabys tilep, olardyń bolashaqta álemge tanymal juldyz bolýlaryna nıetti ekendigin jetkizdi.  

  Respýblıkanyń barlyq óńirinen elordada bas qosqan jas ónerpazdar «horeografııa» jáne «estradalyq vokal» nomınatsııalary boıynsha baq synaıdy.  Baıqaý 5-10 jáne 10-14 jas kategorııalary boıynsha ótedi. Olar qazannyń 26-sy men 27-si kúni túske deıin estradalyq vokal nomınatsııasy boıynsha óner kórsetse, 27-si kúni tústen keıin jáne 28-i kúni horeografııadan saıysqa túsedi.

  Sonymen baıqaýdyń bas júldesin ıelengen órenge Astana qalasy ákiminiń kýbogy men 50000 teńge aqshalaı syılyq berilse, 1-2-3-shi júldeli oryndarǵa taban tiregen jas ónerpazdar tıisinshe 40, 30, 20 myń teńge kóleminde aqshalaı syılyqpen marapattalady.

 Baıqaýǵa Qazaqstanǵa tanymal óner juldyzdarynan quralǵan qazylar alqasy tórelik jasaıdy.