Elordada balalar shyǵarmashylyǵy festıvali ashyldy
NUR-SULTAN. QazAqparat - Búgin, 16 aqpanda Qazaqstan Respýblıkasynyń Tuńǵysh Prezıdenti – Elbasy kitaphanasynda Balalar jylyna arnalǵan «Meniń Qazaqstanym – meniń elim» balalar shyǵarmashylyǵy festıvaliniń ashylýy ótti, dep habarlaıdy QazAqparat.
Іs-shara Elbasy kitaphanasynyń «Balalyq shaqtan kózqaras» jobasy aıasynda Nur-Sultan qalasynyń Balalar kórkemsýret mektebi – ıÝNESKO klýbymen birlesip uıymdastyryldy.
Memleket basshysy Qasym-Jomart Toqaev 2022 jyldy Balalar jyly dep jarııalady. «Balalarǵa erekshe nazar aýdarý kerek. Olardyń ál-aýqaty –memleketimizdiń tabysty bolashaǵynyń senimdi kepili... Óskeleń urpaqtyń úılesimdi damýy jáne baqytty balalyq shaǵy – bul bizdiń jalpyulttyq mindetimiz», – dedi Qazaqstan Prezıdenti.
Festıvaldiń ashylýynda kórermender kórkemsýret mektebi oqýshylarynyń eń jaqsy jumystary usynylǵan kórmemen tanysyp, jetekshi sýretshi-pedagogtardyń sheberlik sabaqtaryna qatysty. Qonaqtardyń keıbiri «mozaıka» tehnıkasynda óz sýretterin salyp kórdi.
Іs-sharaǵa qatysýshylar óz tilekterin «Tilek aǵashyna» qaldyrdy.
Elordalyq №2 óner mektebi oqýshylarynyń kontserttik baǵdarlamasy ashylý saltanatynyń sánin ashty.
«Meniń Qazaqstanym – meniń elim» balalar shyǵarmashylyǵy festıvali jyl boıyna jalǵasady. Osy kezeńde Elbasy kitaphanasy balalar men jasóspirimderge arnalǵan kórmeler, dárister, tanymal ári tabysty sheberlermen shyǵarmashylyq kezdesýler, konkýrstar, jármeńkeler men sheberlik-synyptar uıymdastyrady.
Festıval balalardyń zııatkerlik áleýetin nyǵaıtýǵa, shyǵarmashylyq qabiletterin shyńdaýǵa jáne óskeleń urpaqtyń qundylyqtaryn qalyptastyrýǵa baǵyttalǵan.
Aıta ketken jón, Elbasy kitaphanasynyń «Balalyq shaqtan kózqaras» jobasy balalar shyǵarmashylyǵyn qoldaý ári damytý maqsatynda júzege asyrylyp keledi. Jyl saıyn joba aıasynda Qazaqstannyń, sondaı-aq jaqyn jáne alys shetelderdiń bilim berý mekemeleriniń tárbıelenýshileri qatysatyn vernısajdar, festıvalder, sheberlik-synyptar, konkýrstar ótkizilip turady.
