Elordada balalar kópqabatty úıdiń shatyryna shyǵyp, velosıped tepken
«Áleýmettik jelilerge taldaý júrgizý barysynda elordadaǵy «Arman Qala» turǵyn úı keshenindegi parkıngtiń shatyrynda bir top balanyń velosıped teýip júrgenin anyqtadyq. Oqıǵa ornyna birden polıtsııa qyzmetkerleri attandy.
Anyqtalǵanyndaı, parkıngtiń shatyrǵa shyǵatyn esigi ashylyp qalyp, balalar sol jaqtan kirip ketken. Turǵyn úı keshenine qyzmet kórsetetin uıymmen júrgizilgen jumys barysynda ol esikke qulyp salyndy. Úıdiń turǵyndarymen túsindirý jumystary júrgizildi», - dep habarlaıdy departamentten.
Nur-Sultan qalasynyń polıtsııa departamenti ata-analardy balalardy qaraýsyz qaldyrmaýǵa shaqyrady.
«Eger siz shatyrǵa nemese parkıngke shyǵatyn esiktiń ashyq turǵanyn kórseńiz, turǵylyqty jerdegi PIK-ke birden habar berińiz», - dep eskertedi polıtsııa.