Elordada balalar qalashyǵynyń tárbıelenýshilerine qoldaý kórsetý maqsatymen Qysqy qaıyrymdylyq baly uıymdastyryldy

 ASTANA. 7 jeltoqsan. QazAqparat - Búgin elordada «SOS Astana balalar qalashyǵynyń» tárbıelenýshilerine qoldaý kórsetý maqsatymen Qysqy qaıyrymdylyq baly uıymdastyryldy. Bul shara osymen besinshi jyl ótkizilýde. Bıyl jınalǵan barlyq qarjy jazǵy kontsert alańynyń qurylysy men tárbıelenýshilerdiń elimizdiń joǵary jáne arnaıy oqý oryndarynda bilim alýyna jumsalatyn bolady. Tórt jyl ishinde 6 mln. teńge jınalyp, qalashyqtyń 16 tárbıelenýshisi 8 oqý ornynda bilim alýda.

Búgingi ball «Bolashaq» qaıyrymdylyq qorynyń qoldaýymen ótkizildi.

Sharaǵa qonaq retinde Qazaqstandaǵy sheteldik dıplomatııalyq ókildikterden, «Bolashaq» baǵdarlamasynyń túlekteri, iri jáne orta bıznes ókilderi qatysty.

Aıta keteıik, Astana balalar qalashyǵy 2000 jyly ashyldy. Onda ata-anasynyń qaraýynsyz qalǵan 80 bala tárbıelenýde. Bundaı qalashyqtar Almaty men Temirtaý qalalarynda da bar.