Elordada balaǵa dórekilik kórsetken tárbıeshi jumystan qýyldy
NUR-SULTAN. QazAqparat - Nur-Sultan qalasynda balaǵa dórekilik tanytqan balabaqsha tárbıeshisi jumystan shyǵaryldy, dep habarlaıdy QazAqparat tilshisi.
«Basqarmada júrgizilgen qyzmettik tekserý jumystarynyń nátıjesinde tárbıeshi jumystan shyǵaryldy. Al balabaqsha basshylyǵyna qatań sógis jarııalandy», - dedi qalalyq Bilim basqarmasy Strategııa, taldaý jáne tsıfrlyq tehnologııa bóliminiń basshysy Jazıra Asanova.
Onyń aıtýynsha, búgingi kúni bilim basqarmasy qalalyq mektepke deıingi bilim berý uıymdarynyń pedagogtarymen birneshe kezdesý josparlanýda.
«Kezdesýde uıymdardyń birinshi basshylaryna qyzmettik jaýapkershilik boıynsha túsindirý jumystarymen qosa, oqý-tárbıelik protseske qatysty ádistemelik usynystar beriledi», - deıdi ol.
Eske sala ketsek, 8 qarasha kúni elorda balabaqshalarynyń birinde tárbıeshiniń balaǵa kórsetip jatqan dóreki áreketiniń vıdeosy áleýmettik jelilerde taraǵan bolatyn.
Óz kezeginde atalǵan oqıǵa boıynsha qalalyq bilim basqarmasy tárbıeshiniń ýaqytsha jumystan bosatylǵanyn jáne arnaıy qyzmettik tekserýden soń tıisti shara qabyldanatynyn habarlaǵan bolatyn.
