Elordada balabaqshalarǵa qabyldaý 3 maýsymnan bastalady
ASTANA. 3 mamyr. QazAqparat - Astanada bıylǵy jyldyń 25 sáýirnen 25 mamyryna deıin balabaqshalarǵa balalardy toptaý máseleleri boıynsha jumys toby konsýltatsııa júrgizýde. Qabyldaýdyń ózi 3 maýsymda bastalady. Bul týraly astana.kz saıtyna qalalyq Bilim basqarmasynan málim etti.
Ata-analar qajetti aqparattardy kún saıyn (dúısenbi-juma) 15.00-den 18.00-ge deıin № 61 orta mektepte alý múmkindigi bar.
Jeńildetilgen sanattar boıynsha qujattardy jumys toby bıylǵy jyldyń 25 mamyryna deıin qabyldap, osy jınaqtaý aıasynda qarastyratynyn atap ótken jón. 25 mamyrdan keıin kelip túsken qujattar 2014 jylǵy jınaqtaý kezinde ǵana qarastyrylady.
Sonymen qatar Astana turǵyndary habarlamalaryndaǵy kezekteriniń nómirin teksergeni durys. Eger nómir belgilenbese, jınaqtaýǵa kelýdiń qajeti joq.
Eger balabaqshanyń ornalasqan jeri ata-ananyń kóńilinen shyqpasa, onda joldama almaýǵa bolady, olardyń kezegi saqtalady.
Sondaı-aq, basqarma balabaqshaǵa oryndy turǵylyqty jeri boıynsha emes, tek oryn bolǵan kezde beriletindigin eske salady.
Balabaqshaǵa jınaqtaý 2013 jyldyń 3 maýsymynan bastalady. Jınaqtaý orny: № 61 orta mektep (Qartaly kóshesi).
