Elordada balabaqshadan turmystyq taýarlar urlaǵan kúdikti ustaldy
NUR-SULTAN. QazAqparat – Elordalyq polıtseıler Dúkenuly kóshesindegi balabaqsha aýmaǵyndaǵy qoıma ǵımaratynan aspaly qulypty buzyp, turmystyq hımııa, sharýashylyq taýarlaryn, sondaı-aq qoqys konteınerin urlaǵan buryn sotttalǵan 40 jastaǵy qala turǵynyn ustady. Bul jóninde Nur-Sultan qalasynyń PD baspasóz qyzmetine silteme jasap QazAqparat habarlaıdy.
Tergeý barysynda kúdikti kinásin moıyndady. Zattaı aıǵaqtar tárkilendi.
Qazirgi ýaqytta urlyq baby boıynsha sotqa deıingi tergeý bastaldy. Ustalǵan azamat Nur-Sultan qalasy PD ýaqytsha ustaý ızolıatoryna qamaldy. Onyń qala aýmaǵynda buryn jasalǵan osyǵan uqsas qylmystarǵa qatysy bar-joǵy anyqtalýda.
Nur-Sultan qalasy polıtsııa departamenti jyl basynan beri urlyqqa qatysty jaýapkershilik kúsheıtilgenin eskertedi. Endi qylmystyń osy túri aýyr sanattar qataryna kirdi.
Al jaza túrinde múlkin tárkilep, úsh jyldan jeti jylǵa deıin bas bostandyǵynan aıyrý qarastyrylǵan. Bitimge kelý múmkindigi alynyp tastaldy.
