Elordada balabaqshadan órt shyqty
ASTANA. QazAqparat – Astanada balabaqshalardyń birinen órt shyqty, dep habarlaıdy QazAqparat tilshisi qalalyq tótenshe jaǵdaılar departamentiniń baspasóz qyzmetine silteme jasap.
«2 mamyr kúni saǵat 15:29-da Astana qalasy tótenshe jaǵdaılar departamentiniń órt sóndirý bólimshesine Hlýdov kóshesi, 1 mekenjaıynda balabaqsha órtenip jatqany týraly habar tústi. Oqıǵa ornyna jetken órt sóndirýshiler balabaqsha shatyrynyń janyp jatqanyn anyqtady. Qutqarýshylar dereý adamdardy izdeýge kiristi. Balabaqsha ákimshiliginiń aıtýynsha, barlyq balany órt sóndirý qyzmeti kelgenge deıin evakýatsııalaǵan», - delingen habarlamada.
Sońǵy málimet boıynsha, órt 16:15-te oqshaýlandy.
Órt sóndirý qyzmeti oqıǵa ornynda jumysyn jalǵastyryp jatyr.
