Elordada balabaqsha tárbıeshileriniń jalaqysy kóterilýi múmkin
ASTANA. QazAqparat - Elordada balabaqsha tárbıeshileriniń jalaqysyn kóterý máselesi qarastyrylyp jatyr. Bul týraly búgin elorda ákimdiginde ótken jıynda QR Astana qalalyq bilim basqarmasy basshysynyń orynbasary Gúljan Aıtjanova aıtty, dep habarlaıdy QazAqparat tilshisi.
«Jalaqyǵa qatysty bul másele Bilim jáne ǵylym mınıstrliginde talqylanyp jatyr. Qazir mektepke deıingi uıymdardyń da, qosymsha bilim berý uıymdarynyń da eńbekaqy qoryna qatysty túzetýler jónindegi barlyq usynystary jınaqtalýda. Shyndyǵynda da, balabaqsha tárbıeshileriniń jalaqysy óte tómen jáne ol sanatqa, shtatqa baılanysty. Biz óz usynysymyzdy engizdik. Jalpy, jalaqyǵa baılanysty tıisti normatıvtik aktilerge ózgerister engizý týraly jınaq jasalady», - dedi ol.
Sonymen qatar, ol balabaqshadaǵy oryn jetispeýshiligine de toqtaldy.
«Mektepke deıingi uıymdarda oryn jetispeýine qatysty aıtar bolsam, ótken jyly memlekettik tapsyrysty ornalastyrý esebinen 79 mektepke deıingi uıym ashylyp, olarǵa 9 myń balaǵa memlekettik tapsyrys berildi. Qazirgi ýaqytta respýblıka boıynsha 18 myń mektepke deıingi jeke uıym jáne 300-den astam qosymsha mektepke deıingi bilim uıymy bar», - dedi Gúljan Aıtjanova.
