Elordada balabaqsha kezegine turý ótinimderin qaraý aıaqtalady
NUR-SULTAN. QazAqparat – 2019 jyldyń 19 jeltoqsanynan 20-na qaraǵan túni (00.00 saǵ.) Nur-Sultan qalasyndaǵy mektepke deıingi mekemelerge kezekke turǵan ótinish ıeleriniń júıede kezekke turýyn rastaý rásimi aıaqtalady. Bul týraly qalalyq bilim basqarmasynyń facebook-tegi paraqshasynda jarııalandy.
«Nur-Sultan qalasy Bilim basqarmasy 2019 jyldyń 19 jeltoqsanynan 20-na qaraǵan túni (00.00 saǵ.) mektepke deıingi mekemelerge kezekke turǵan ótinish ıeleri júıede kezekke turýyn rastaý rásimi aıaqtalatynyn eske salady.
Kórsetilgen ýaqytta barlyq belsendilik tanytpaǵan ótinishter kezekten alynyp, stop-tizimge jiberiletinin habarlaımyz. Ótinimderin qalpyna qaıtarǵysy keletin ótinish ıeleri osy protsedýrany jeke kabınetterine kirip, keri qaıtara alady.
Óz kezeginde bizdiń tarapymyzdan qyzyǵýshylyqty rastaý úshin osydan aldyn eki aı berilgenin eske salamyz»,- delingen habarlamada.
Bilim basqarmasynyń atap ótýinshe, bul habarlandyrý bir jyldan astam belsendilik tanytpaǵan barlyq ótinish ıelerine arnalady. Ótinimniń jaramdylyq merzimi jeke kabınette kórsetilgen («Meniń ótinimderim» bólimi).
