Elordada «Balabaqsha – bolashaqqa bastar jol» fotokórmesi ashyldy
NUR-SULTAN. QazAqparat – Búgin QR Ulttyq mýzeıinde «Balabaqsha – bolashaqqa bastar jol» fotokórmesi uıymdastyryldy, dep habarlaıdy QazAqparat tilshisi.
«Bul kórme Qazaqstan Respýblıkasynyń mektepke deıingi bilim berý júıesiniń mańyzdy rólin kórsetýge arnalǵan. Mektep jasyna deıingi balalardy tárbıeleýde pedagogtar mańyzdy ról atqarady. Olardyń eńbegi baǵasyz. Bul kórmege Nur-Sultan jáne Almaty qalalaryndaǵy balabaqshalardyń meńgerýshileri qatysýda. Kórmege balabaqsha ómirin sıpataıtyn 200-den astam jumys qoıyldy. Kórmeni uıymdastyrýshy, Sultan magazine jýrnalynyń negizin qalaýshy Ardaq Qojataı men Qarakóz Aıdashqa alǵys aıtqym keledi», - deıdi QR Ulttyq mýzeıi ekskýrsııalyq jumystar, mýzeı pedagogıkasy jáne zaldaǵy saqtaý qyzmetiniń basshysy Janar Beısova.
Nur-Sultan qalasy ákimdigi Bilim berýdi jańǵyrtý ortalyǵynyń dırektory Álııa Makysheva bul kórme tájirıbe almasý úshin uıymdastyrylǵanyn aıtty.
«Biz Nur-Sultan qalasynyń mektepke deıingi uıymdarynyń jumysy, psıhologııalyq ahýaly, tárıýıe men oqytý úderisi qalaı júzege asyrylyp jatqanyn kórme arqyly búkil qazaqstandyqtar kóretinine qýanyp turmyz. Balabaqsha meńgerýshilerine kóp alǵysymyzdy bilidremiz. Bul kórmeni tájirıbe almasý dep túsiný kerek. Osy kórmede bizdiń balalarymyz qandaı ortada tárbıelenip, qandaı ortada ósip jatqany týraly, bizdiń pedagogtar qandaı jobalarmen jumys istep jatqany týraly kóre alamyz», - deıdi ol.
Sultan magazine jýrnalynyń negizin qalaýshy Ardaq Qojataı men Qarakóz Aıdash bul kórme ustazdardyń qurmetine uıymdastyrylǵanyn aıtty.
«Kórmeniń negizngi maqsaty – balabaqshalardyń tynys-tirshiligimen tanystyrý. Ustaz degen uǵym – qasıtetti sóz. Ol ar-namys, Otan degen qasıetti sózdermen teńeledi, sondyqtan ustazdardyń aldynda bas ıemiz. Saltanatty shara sizderdiń qurmetterińizge uıymdastyrylyp jatyr», - deıdi Qarakóz Aıdash.
Ol kórmege qatysqan balabaqsha meńgerýshilerine alǵys hat tabystady.
