Elordada baǵdarshamdy syndyrǵan jasóspirim beınebaqylaý kamerasyna túsip qaldy
NUR-SULTAN. QazAqparat – Nur-Sultan qalasyndaǵy Qarasaı batyr kóshesinde ornalasqan «Zabava» dúkeniniń janynda belgisiz bireý jaıaý júrginshilerge arnalǵan baǵdarshamdy syndyryp jatqany týraly aqparat polıtsııaǵa saǵat 19:37-de kelip túsken.
Buzaqylyq jasaý faktisi Jedel basqarý ortalyǵynyń beınebaqylaý taspalaryna túsip qalǵan. Polıtsııa ınspektorlary jasóspirimdi izin sýytpaı ustap aldy, dep habarlaıdy QazAqparat elordanyń polıtsııa departamentiniń baspasóz qyzmetine silteme jasap.
Ol elordanyń 15 jastaǵy mektep oqýshysy bolyp shyqty. Kámelettik jasqa tolmaǵan bala «Saryarqa» aýdany polıtsııa basqarmasyna jetkizilip, munda onyń ata-anasy da shaqyryldy.
Profılaktıkalyq áńgime júrgizilgen soń, balanyń zańdy ókiline qatysty QR Ákimshilik quqyqbuzýshylyqtar týraly kodeksiniń 435-baby boıynsha ákimshilik óndiris qozǵaldy. Materıal sheshim qabyldaý úshin Nur-Sultan qalasynyń Mamandandyrylǵan aýdanaralyq ákimshilik sotyna jiberildi.
Elordanyń polıtsııa departamenti buzaqylyq áreketter jáne múlikti búldirgeni úshin zańda jaýapkershilik qarastyrylǵanyn eskertedi.
