Elordada BAÁ-den ákelingen jańa beınebaqylaý kameralary qashan iske qosylady

ASTANA. KAZINFORM — Astanada Birikken arab ámirligi kompanııasy ornatatyn jańa beınebaqylaý júıesiniń qashan jumys isteı bastaıtyny belgili boldy. 

— Kelisimshartqa sáıkes, jyl sońyna deıin kompanııa alǵashqy kezeńdi aıaqtaýy tıis jáne qosymsha 20 myńnan astam beınebaqylaý kamerasy ornatylady. Jeltoqsan aıynda aıaqtap, iske qosýdy josparlap otyrmyz, — dedi elorda ákimi Jeńis Qasymbek.

Aıta ketsek, BAÁ kompanııasy basqaratyn beınebaqylaý júıesi jasandy ıntellekt tehnologııasynyń kómegimen jumys istemek.

Jyl basynda «Sergek» elordadan ketip, qaladaǵy kameralardy BAÁ kompanııasy basqaratyny týraly habarlaǵan edik. 

Astana qalasy Tsıfrlandyrý jáne memlekettik qyzmet basqarmasynyń basshysy Dıdar Súleımenovtiń aıtýynsha, jańa jobada apparattyq-baǵdarlamalyq keshenniń basym bóligi úzdiksiz jumys isteýin qamtamasyz etý úshin turaqty elektr energııasyn qosý qarastyrylǵan. Sondaı-aq beıne túsirilimniń úzdiksiz berilýin qamtamasyz etý baǵytynda beınebaqylaý kameralary optıkalyq baılanys jelisine qosylady.

Búgin elorda ákimi Jeńis Qasymbek «Almaty» aýdany turǵyndarymen kezdesip, halyqty tolǵandyrǵan saýaldarǵa jaýap berdi.

Halyqpen kezdesý barysynda qala basshysy jemqorlyq sımvolyna aınalǵan Astanadaǵy 1 mlrd teńgeniń sýburqaǵyn qalpyna keltirýge qatysty túsinik berdi.