Elordada B. Tólegenovanyń V Halyqaralyq vokalıster konkýrsy ótedi
ASTANA. 15 qyrkúıek. QazAqparat. Qazaqstan Respýblıkasynyń táýelsizdiginiń 20 jyldyq mereıtoıyna arnaıy Astana qalasynyń ákimdigi Bıbigúl Tólegenovanyń V Halyqaralyq vokalıster konkýrsyn ótkizedi. Bul konkýrstyń maqsaty jas býyndardy adamgershilik pen estetıkalyqqa tárbıeleý.
Halyqaralyq vokalıster konkýrsy bizdiń jastardyń zeıinin, klassıkalyq jáne halyqtyq mýzykanyń taza bulaǵynyń kózine umtylýǵa kóńil aýdarý. Konkýrs jas talantty oryndaýshylardy tabýǵa kómektesedi, qazaqtyń klassıkalyq ónerin joǵary mártebege kóterý jáne jastardyń rýhyn arttyrýǵa múmkindik týǵyzady. Qazaqtyń eń jaqsy úlgili shyǵarmalaryn oryndaý, mádenıette ózara túsinisýge, qazaq halqynyń eń shynaıy, ádemi ishki dúnıesin ashýǵa jáne Qazaqstan sazgerleriniń shyǵarmalaryn tanytýǵa sebepker.
Іrikteý jáne fınaldyq týrlary, Qazaqstan Respýblıkasynyń Prezıdenttik mádenıet saraıy zalynda, al jabylýy Qazaqstan Respýblıkasynyń Beıbitshilik jáne kelisim saraıynyń zalynda ótedi. Astanaǵa Qazaqstannyń túkpir-túkpirinen, jaqyn jáne alys shetelderden (Qyrǵyzstan, Ózbekstan, Tatarstan Respýblıkalary, Estonııa, Belarýs, Reseı Federatsııasy, Qytaı Halyq Respýblıkasy, Bolgarııa) opera óneriniń 45 ánshisi jınalady. Konkýrstyń ashylýy 19 qyrkúıek 2011 jyly saǵat 19.00-de Qazaqstan Respýblıkasynyń Beıbitshilik jáne kelisim saraıynyń zalynda ótedi. Bıbigúl Tólegenovanyń V Halyqaralyq vokalıster konkýrsynyń ótetin kúnderi Astana turǵyndary úshin, úlken, kórkem de ashyq dýmanǵa aınalady.
Konkýrsta operalyq bóliminde, 1977 jyldyń 1 qańtarynan burynda jáne 1991 jyldyń 31 jeltoqsanynan kesh emes týylǵan ánshiler qatysa alady. Konkýrstyq synaq retteý jáne sońǵy týrlardan turady. Barlyq tyńdaý eldiń kózinshe ótedi. Án aıtý retin jerebe salýmen anyqtaıdy jáne de konkýrstyń sońyna deıin saqtalady. Sońǵy týrǵa 12-14 qatysýshy jiberiledi.
Konkýrsqa qatysýshylardyń áserli ánderin, mártebeli, kásipqoı qazylar alqasy baǵalaıdy. Bıbigúl Tólegenovanyń V Halyqaralyq vokalıster konkýrsynyń qazylar alqasynyń tóraıymy, Keńes Odaǵynyń halyq ártisi, Sotsıalıstik Eńbek Eri, SSRO jáne Qazaqstan Respýblıkasy Memlekettik syılyqtarynyń laýreaty, akademık Bıbigúl Ahmetqyzy Tólegenova.
Jas oryndaýshylardy Halyqaralyq qazylar alqasy baǵalaıdy jáne árbir qatysýshy óz ónerine shyǵarmashylyq taldaý, sondaı-aq kásibı sıpattama alady. Bul óner merekesi jańa jas oryndaýshylar attaryn tanymal etedi, qaısy bireýleri dúnıejúzilik sahna tórin baýraıdy.
V Halyqaralyq vokalıster konkýrsyna úlken qoldaý jasaıtyn Astana qalasy ákimdigi.
