Elordada B.Momyshuly - A.Toqpanov kósheleri jabylady
NUR-SULTAN. QazAqparat – Elordada 29 sáýir - 10 mamyr aralyǵynda B.Momyshuly dańǵyly men A.Toqpanov kóshesiniń qıylysy kólik qozǵalysy úshin jabylady, dep habarlaıdy QazAqparat.
Nur-Sultan qalasy Polıtsııa departamentiniń baspasóz qyzmetinen málim etkendeı, 29 sáýir - 10 mamyr aralyǵynda Daýylpaz kóshesinen Elim-aı kóshesine deıingi aımaqta jaýyn sýyn aǵyzatyn júıeniń magıstraldi kollektory tóseletindikten, B.Momyshuly dańǵyly men A.Toqpanov kóshesiniń qıylysynda eki baǵytta kólik qozǵalysy toqtatylady.
«Kólik qozǵalysy tıisti jol belgilerin qoıý arqyly aınalma jolmen uıymdastyrylady», - delingen baspasóz habarlamasynda.
Bul ýchaskedegi kólik jyldamdyǵy saǵatyna 40 km-ge deıin shektelgen. Qalalyq polıtsııa departamenti keptelis bolmaý úshin jol júrý marshrýtyn aldyn ala josparlaýdy eskertedi.
