Elordada azyq-túlik dúkenderinde urlyq jasaǵan stýdent qyzdar ustaldy

NUR-SULTAN. QazAqparat – Elorda ýnıversıtetinde oqıtyn 18 jáne 19 jastaǵy eki boıjetken shaǵynmarketterde urlyq jasap júrdi, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Tergeý barysynda boıjetkenderdiń biri satýshynyń nazaryn ózine aýdaryp turǵanda, ekinshisi urlyq jasaǵany anyqtaldy. Bul áreketterin kezektesip jasap otyrǵan. Dúkenderden urlaǵan taýarlar – azyq-túlik, sýsyndar, gıgıena quraldaryn joldorbaǵa salyp shyǵarǵan. Osylaısha, olar eki dúkennen jalpy somasy 50 myń teńgege jýyq aqshaǵa taýar shyǵarǵan.

Ustalǵan boıjetkender urlyq jasaǵanyn moıyndady. Atalǵan fakti boıynsha qylmystyq is qozǵaldy. Kúdiktilerdiń buǵan deıin osyǵan uqsas jasalǵan qylmystarǵa qatysy anyqtalýda.

Nur-Sultan qalasynyń polıtsııa departamenti saýda qyzmetkrelerine qyraǵy bolyp, kúmán keltiretin tulǵalarǵa nazar aýdarýyn, jumys ornyn qaraýsyz qaldyrmaýyn keńes etedi.