Elordada azyq-túlik beldeýin damytýdyń jańa baǵdarlamasy ázirlenip jatyr
«2017-2021 jyldar aralyǵynda Aýyl sharýashylyǵy mınıstrliginiń úılestirýimen elorda aınalasyndaǵy azyq-túlik beldeýin damytý baǵdarlamasy júzege asyryldy. Alaıda osy baǵdarlama nátıjesi aıtarlyqtaı bolmady. Shyn máninde barlyǵy qaǵaz júzinde qalyp, deklaratıvti sıpatta boldy. Bul turǵyda tıisti qadamdar bıýdjette eskerilmegen», - dedi E. Baltaev qalalyq máslıhattaǵy turaqty komıssııanyń otyrysynda.
Onyń aıtýynsha, qazirgi kezde qalada jańa baǵdarlama ázirlenip jatyr.
«Azyq-túlik beldeýin damytýǵa qatysty tyń qadamdardy qamtıtyn jańa baǵdarlama daıarlanyp otyr. Aýyl sharýashylyǵy mınıstrligimen birlese naqty óndirister men jobalardy damytý pysyqtalyp jatyr. Bul óndiristerdiń qyzmeti tek elordaǵa baǵyttalady. Osy kásiporyndardy damytýdyń tetigi retinde memlekettik qoldaýdyń barlyq is-sharalary qamtylady, ıaǵnı sýbsıdııalaý men ınvestıtsııalaý qadamdary eskeriledi», - dedi basqarma basshysy.
Budan buryn habarlanǵandaı, syrtqy faktorlardyń yqpalyn azaıtý úshin elordada azyq-túlik ónimderi baǵasyn turaqtandyrý tetigi júzege asyrylyp jatyr.
Bul turǵyda kásipkerlik sýbektilerine qaryz berý tetigi eskerilgen. Osy ýaqytqa deıin 13,1 mlrd teńge bólindi.
Sonymen qatar, elordada halyqtyń áleýmettik osal toptaryna azyq-túlik arnaıy karta arqyly ótkiziledi.