Elordada azyq-túlik baǵasyn kótergen 4 dúken jaýapqa tartyldy

NUR-SULTAN. QazAqparat - Elordada áleýmettik mańyzy bar azyq-túlik ónimderiniń baǵasyn turaqtandyrý úshin kún saıyn monıtorıng júrgiziledi, dep habarlaıdy QazAqparat qala ákimdiginiń resmı saıtyna silteme jasap.

Osylaısha, 8 bıznes sýbektisinde saýda ústemesinen asyp ketý belgileri anyqtaldy. Ákimdik atalǵan nysandardy jaýapkershilikke tartý boıynsha jumys júrgizip, «eskertý» túrinde uıǵarymdar shyǵarǵan.

Al 4 dúkenge qatysty baǵany kótergeni úshin ákimshilik sharalar qabyldandy. Olar: «Elıt Et» dúkenderi (Qonaev kóshesi, 14), «Altaı» (Syrym batyr kóshesi), Et dúkeni (Tilendıev dańǵyly, 36) jáne «Jastar» SÚ (Kravtsov kóshesi, 6).

Ákimdik málimetinshe, baǵa kóterilgen jaǵdaıda kásipkerlerge eń qatań sharalar qoldanylatyn bolady.

Baǵanyń ósýine qatysty aqparatty (saýda nysanynyń mekenjaıy, taýar markasy jáne baǵasy kórsetilgen) Nur-Sultan qalasynyń ákimdigine, tel.: 55-68-99, 55-69-78, 55-68-08, nemese QR Básekelestikti qorǵaý jáne damytý agenttiginiń «jedel jeli» nomerlerine qońyraý shalý arqyly jetkizýge bolady: 8 [phone], 74-27-38, 65-16-86, 8 778 668 1841, 8 775 592 6169, 8 701 800 39 38, 8 705 424 36 84.