Elordada azyq-túlik baǵasy qalaı retteledi
«Jyl basynan beri 19 negizgi azyq-túlik taýarlaryna baǵanyń ósýi 109,3 paıyzdy qurady. Bul ótken jylmen salystyrǵanda 2,2 paıyzǵa tómen. Jalpy baǵanyń ósýi maýsymdyq sıpatqa ıe. Dástúr boıynsha bul qańtardan bastap, sáýirge deıin baıqalady. Al mamyr aıynan bastap, jańa ónimge baǵa túse bastaıdy. Sondaı-aq, baǵalardyń ósýinde óndirýshilerdiń shıkizatqa, qaptaý, býyp-túıý materıaldarynyń qymbattaýy jáne kólik shyǵystary kórsetiledi. Jáne oǵan alypsatarlar úlken áser etedi», - dedi Gúlmıra Ermoldına Ortalyq kommýnıkatsııalar qyzmetinde «KVI jaǵdaıynda azyq-túlik ónimderiniń baǵasyn retteý jáne azyq-túlik qaýipsizdigin qamtamasyz etý týraly» baspasóz máslıhatynda.
Jalpy qala boıynsha baǵany turaqtandyrý maqsatynda birqatar shara qabyldanýda. Birinshi – «Aınalym mehanızmi» boıynsha 20 myń tonna ónimge kelisimsharttar jasaldy. ıAǵnı, 7 sýbektimen sharttarǵa qol qoıylyp, 3,6 mlrd teńgege nesıe bólindi. Bul qalanyń iri saýda obektilerinde ónimdi bekitilengen baǵamen satýǵa múmkindik beredi.
«Atap aıtqanda, 2020 jyldyń jeltoqsan aıynan bastap 2021 jylǵy mamyrǵa deıin kókónisterdiń negizgi tórt túri boıynsha baǵa bekitilgen, ol - kartop, pııaz, qyryqqabat jáne sábiz; Kelesi – kúrish pen qaraqumyqtyń bekitilgen baǵasy 2020 jyldyń sáýirinen 2021 jyldyń sáýirine deıin, kúnbaǵys maıy – 2020 jyldyń sáýirinen 2021 jyldyń sáýir aıyna deıin jaramdy. Jáne áleýmettik mańyzy bar azyq-túliktiń 10 túri (sút, aıran, súzbe, sary maı jáne kúnbaǵys maıy, jumyrtqa, un, qus eti, múıiz, tuz) bıylǵy qazannan bastap 2021 jylǵy sáýirge deıin turaqty bolady», - dep túsindirdi spıker.
Ekinshiden, baǵa qymbattaǵan jaǵdaıda turaqtandyrý qorlarynan jedel taýar ınterventsııalary júrgiziledi. Qazir turaqtandyrý qorynan qalanyń 6 saýda obektisinde («Magným», «Astyqjan», «VkýsMart», «Aqmol», «Shapaǵat» jáne «Smoll») qanttyń taýarlyq ınterventsııalary bir kelige 220 teńgeden aspaıtyn baǵamen júrgizilýde. Jalpy qorda 900 tonnadan astam qant bar.
«Nan baǵasyn turaqtandyrý úshin otandyq óndirýshilerden un satyp alýǵa jergilikti bıýdjetten qosymsha 600 mln teńge bólindi. Bul un kelesi qyrkúıek aıynda egin jınalǵansha jetkilikti bolady. Úshinshiden, otandyq óndirýshilermen bıylǵy jeltoqsannan kelesi jyldyń mamyryna deıin jemis-kókónis ónimderin tirkelgen baǵamen satý úshin «forvardtyq kelisimsharttar» jasaldy. Sondaı-aq, jalpy aýdany 50 myń sharshy metr bolatyn 3 kóterme-taratý ortalyǵyn salý úshin ınvestorlar tartyldy. Olardyń quny shamamen 15 mlrd teńgeni quraıdy. Bul jobalar 2022 jyly aıaqtalady dep josparlanǵan», - dedi G. Ermoldına.
Sonymen birge, elordada 5 qyrkúıekten 11 qazanǵa deıin 12 aýyl sharýashylyǵy jármeńkesi ótkizilgen. Onda el óńirlerinen jetkizilgen 4300 tonnadan astam ónim satyldy.
«Qazir de qolaıly aýa-raıy jaǵdaılaryn jáne turǵyndar tarapynan suranysty eskere otyryp, jármeńkelerdi qazan aıynyń sońyna deıin ótkizý uıǵaryldy. Sońǵy eki jármeńke aınalym shemasyna qatysatyn «Magným» men jaqyn ornalasqan taýar óndirýshilerdiń qatysýymen ótedi», - dedi G. Ermoldına.
