Elordada ázirge qoǵamdyq kólik júrmeıdi – Nur-Sultan ákimdigi
NUR-SULTAN. QazAqparat – Elordadaǵy qoǵamdyq kóliktiń jumysy ázirge jandanbaıtyn boldy, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
«Qatań karantındik sharalardyń uzartylýyna baılanysty, elordadaǵy qoǵamdyq kólik jumysy ázirge jandanbaıdy. Baǵyttar týraly jolǵa shyǵar aldynda qosymsha habarlaımyz», - dep habarlady ákimdikten .
Eske sala ketsek, buǵan deıin elorda ákimi Altaı Kólginov qoǵamdyq kóliktiń ne úshin toqtatylǵanyn túsindirgen bolatyn.
«Shtabta ınfektsııa taralymyn azaıtyp, juqtyrý tizbegin úzý týraly sheshim qabyldandy. Tájirıbe kórsetkendeı, qoǵamdyq kólik – aýrý juqtyrý qaýpi bar negizgi oryn. Tótenshe jaǵdaı rejımine deıin elordada kúnine 750 myń adam qoǵamdyq kólikti paıdalanatyn. Bul – aýqymdy kórsetkish. Qoǵamdyq kólikti toqtatqanda ınfektsııa taralymynyń aıtarlyqtaı azaıǵanyn baıqadyq. Sondyqtan, karantın kezinde de adamdardyń densaýlyǵyna qater tónbeýi úshin qoǵamdyq kólik toqtatyldy», - dedi ákim Ortalyq kommýnıkatsııalar qyzmetinde ótken brıfıngte.
