Elordada azyq-túlik baǵasyn ustap turý úshin 13 mlrd teńge bólindi
ASTANA. KAZINFORM – Elordada azyq-túlik baǵasyn ustap turý úshin 13 mlrd teńge bólindi. Astana qalalyq ınvestıtsııalar jáne kásipkerlikti damytý basqarmasy basshysynyń orynbasary Maqsat Janabaev aıtty.
«Búginde áleýmettik mańyzy bar azyq-túlik baǵasynyń ósýine jol bermeý úshin bıýdjetten 13 mlrd teńge bólindi», - dedi ol Astana qalasynyń kommýnıkatsııalar qyzmetindegi brıfıngte.
Onyń dereginshe, qala ákimdigi áleýmettik mańyz bar azyq-túliktiń barlyq 19 túri boıynsha 25 myń tonnanyń ónimine kelisimshart jasaǵan. Olardyń basym bóligin kókónister quraıdy jáne baǵanyń kóterilýine jol bermeýge septigin tıgizip otyr.
Qazirgi ýaqytta elordada ótken jyldyń óniminen 5,4 myń tonna kartop, 919 tonna sábiz, 2 myń tonna pııaz, 1,2 myń tonna qyryqqabat bar. Buǵan qosa, 2024 jyldyń mamyr men shilde aılarynda taǵy da 1 350 myń tonna kókónis alýǵa kelisimshart jasalmaq.
