Elordada azamattyq qoǵam ókilderi Prezıdent Joldaýyn talqylady
Elordalyq azamattyq bastamalar ortalyǵynda ótken is-sharaǵa sarapshylar, úkimettik emes uıymdardyń ókilderi, memlekettik organdardyń qyzmetkerleri, sondaı-aq saıasattanýshylar, áleýmettanýshylar qatysty.
Otyrys barysynda Prezıdent Joldaýy bizdiń qoǵamnyń eń ótkir jáne shuǵyl máselelerin sheshýge baǵyttalǵan ekonomıkalyq, áleýmettik jáne saıası sharalardyń oılastyrylǵan jáne shynaıy kesheni ekendigi aıtyldy. Qazaqstannyń barlyq azamattarynyń áleýmettik-ekonomıkalyq ál-aýqaty, elimizdiń damýy, el damýynyń strategııalyq maqsattaryna qol jetkizýi osylardy iske asyrýǵa baılanysty ekendigi aıtylyp ótti.
«Memleket basshysy Joldaýda kótergen máselelerdiń ishinde eńbek naryǵynda ekojúıeniń qalyptasýyn erekshe atap ótkim keledi. Shyn máninde, kommertsııalyq emes uıymdar kóbinese halyqtyń áleýmettik osal toptarymen jumys isteıdi. Eń aldymen, biz jumys oryndaryn quryp, jumyssyzdyqpen kúreske úles qosamyz, olardy ekonomıka, bıznes-josparlaý, áleýmettik kásipkerlik negizderine oqytamyz. Joldaýdyń taǵy bir mańyzdy bóligi – saıası jańǵyrý jáne adam quqyqtaryn qorǵaý. Qazirgi ýaqytta Qazaqstan halyqaralyq konventsııalarǵa qol qoıdy, múgedek adamdardyń ómir súrý sapasyn jaqsartý strategııasy ázirlendi. Sondaı-aq biz bıýdjet tetiginiń ashyqtyǵyn odan ári jetildirýmen baılanysty óńirlik saıasatty jetildirý boıynsha jumys isteımiz. Bul jaqyn arada júzege asyrylatyn josparlarymyzdyń az ǵana bóligi», - dedi Nur-Sultan qalasynyń azamattyq bastamalar ortalyǵynyń jetekshisi Mahabbat Espenova.
Budan bólek, dóńgelek ústel basyna úkimettik emes uıymdar men azamattyq qoǵam ókilderi Prezıdent Joldaýynda aıtylǵan áleýmettik máselelerge jan-jaqty toqtalyp, ony oryndaý joldaryn talqylady.
Nur-Sultan qalasy ákimdigi Іshki saıasat basqarmasynyń basshysy Dáýren Babamuratov búginde úkimettik emes uıymdar memlekettik saıasattyń negizgi tustaryn halyqqa jetkizip, túsindiretin qozǵaýshy kúshke aınalǵanyn atap ótip, Joldaýda kóterligen birqatar máselege toqtaldy.
«Negizgi talqylanyp jatqan máseleler bul tómengi jalaqynyń ulǵaıýy. 42 500-den 60 myńnyń ústine shyqty. Eń tómengi jalaqynyń ósýi eńbekaqyny, stıpendııalardy, zeınetaqylardy ındeksteýge yqpal etedi jáne barlyq qazaqstandyqtardyń ál-aýqatyn jaqsartýǵa yqpal etetin bolady. Sondaı-aq, ekologııalyq, mektep qurylysy máselesi. Nur-Sultanda oqý jylynyń basynda 8 mektep ashyldy. Osy jyldyń sońyna deıin taǵy 7 mektepti paıdalanýǵa berý mindetin qoıdy. Osylaısha, 2021 jyly qalada 15 jańa iri mektep salynady. Ol mektepterdiń sapasynyń máselesi. Ol mektepterdegi oqýshylardyń taǵy da qosymsha sportpen qamtamasyz etý. Munyń barlyǵy joldaýdyń ishinde bar», - dep atap ótti Dáýren Babamuratov.
Azamattyq qoǵam ókilderi Joldaýda aıtylǵan basty nazarda ustarlyq baǵyttardyń biri kadrlardy daıarlaý máselesin erekshe atap ótip, Memleket basshysynyń Joldaýy ýaqyt talabyna jáne qoǵamnyń úmitine saı keledi degen pikirge keldi.
«Prezıdent óziniń Joldaýynda kadrlyq máseleni birneshe ret aıtqan bolatyn. Halyqtyń ómirin jaqsartý úshin jumysty kásibı, ýaqytyly jáne úlken jaýapkershilikpen oryndaý kerek. Biz oǵan qosylamyz jáne qoldaımyz», - dedi «Ulaǵat» mádenıet jáne damý qorynyń tóraıymy Kamajan Jumaqasova
Іs-shara barysynda azamattyq qoǵam ókilderi áleýmettik osal otbasylardan shyqqan balalardy, daryndy jastar men jas ǵalymdardy qoldaý memlekettiń áleýmettik saıasatynyń qosalqy, mańyzdy jáne júıeli quramdas bóligi bolady degen pikir bildirdi.
Aıta ketý kerek, is-shara karantındik barlyq normalar men talaptardy saqtaı otyryp ótkizildi.
