Elordada azamattardy qabyldaý kezinde qandaı jobalar usynyldy
NUR-SULTAN. QazAqparat - Elorda ákimi Altaı Kólginov azamattardy qabyldady. Qala turǵyndary medıtsınalyq kómek, ataýly áleýmettik kómek alý, jumysqa ornalasý, turǵyn úı baǵdarlamalaryna qatysý jáne t.b. máselelerdi kóterdi, dep habarlaıdy QazAqparat qala ákimdiginiń resmı saıtyna silteme jasap.
Belsendi qala turǵyndary balalarǵa arnalǵan ártúrli úıirmeler men sektsııalar, shet tilderin úıretetin aýla klýbtaryn ashýdy usyndy. Usynystar qala ákiminiń baqylaýyna alyndy. Qabyldaý barysynda qala turǵyndary Prıgorodnyı eldi mekeninde 800 oryndyq mektep pen «Aspan» sport keshenin ashqany úshin memleketke alǵysyn bildirdi.
Keshe qala ákimi Altaı Kólginov esep berý kezdesýine kelgen qala turǵyndaryn jeke qabyldady. Kontsert zalynyń hollynda sondaı-aq ákimdik basqarmalarynyń basshylary, ákimniń orynbasarlary, aýdan ákimderi azamattardy qabyldady. Suraqtardyń bir bóligi sol jerde sheshilse, qalǵandary jumysqa alyndy.
