Elordada «Aınalaıyn» otbasylyq-demalys qalashyǵy boı kóteredi
ASTANA. 13 maýsym. QazAqparat - Elordada «Aınalaıyn» otbasylyq-demalys qalashyǵy boı kóteredi. Astanalyqtar «Aınalaıyn» qalashyǵynda sporttyq jarystardy, ulttyq salt-dástúrler men kontsertterdi tamashalaıdy. Bul týraly Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń Medıatoby habarlaıdy.
Astananyń 15 jyldyǵyn merekeleý bıylǵy jyly otbasy jáne kóshe is-sharalardyń kóptigimen erekshelenýde. Kópshilik serýeni, merekelik sherý, otbasylyq jáne balalar festıvali - bul kez kelgen astanalyqtyń otbasynyń balalarymen jazǵy kanıkýlda kóńildi demalatyn múmkindikteri. Alaıda, bul is-sharalardyń tolyq tizimi emes. «Aınalaıyn» otbasylyq-demalys qalashyǵynda árkim de qyzyqty oıyn-saýyq quryp, kóńil kótere alady. Munda baldyrǵandarmen qosa atalar men ájeler de qatysa alady. Súıikti qalamyzdyń 15 jyldyq merıtoıynda «Aınalaıyn» qalashyǵy tamasha demalys uıymdastyrýǵa tolyq múmkindik beretin birden-bir oryn.
Júrgizýshiler, anımatorlar men boıshań qýyrshaqtar balalar men eresekterdi qyzyqty oıyndarǵa, baıqaýlar men sporttyq saıystarǵa eliktiredi.
«Stýdent» saıabaǵyndaǵy baǵdarlama «Sport jáne men» degen uranmen ótedi: «Gúlnár» ansambli, «Astana» qýyrshaqtar teatrynyń teatrlandyrylǵan-oıyn baǵdarlamasy, sporttyq saıystar, «Kóńildi máre», «Dálel» taekvondo klýbynyń karate kórsetilimderi, «R-V» qýyrshaqtar teatrynyń teatrlandyrylǵan-oıyn baǵdarlamasy, «Farab» án-bı ansambliniń kontserttik baǵdarlamasy ótpek.
Qalalyq alańda kórermender № 2 óner mektebiniń, «R-V» qýyrshaqtar teatrynyń, «Farab» án-bı ansambliniń kontserttik baǵdarlamasyn jáne QR ІІM ІÁ ansambliniń ánderi men áskerı bıleriniń jáne Astana qalasy estradasy jeke oryndaýshylarynyń kontserttik baǵdarlamalaryn tamashalaıdy.
«Jeruıyq» saıabaǵynda «Qazaq dastany» baǵdarlamasy qoıylady. Onda «Aq marjan» stýdııasynyń solısteri óner kórsetip, № 1 óner mektebi men «Shańyraq» ájeler ansambli «Besikke salý» jáne «Tusaý keser» syndy ulttyq salt-dástúrlerdi kórsetedi.
