Elordada «Aınalaıyn Astanam - asqaq ánim!» merekelik sharasy ótedi
ASTANA. QazAqparat - 7 shilde kúni Oqýshylar saraıynyń ortalyq alańynda barlyq balalar birdeı bir yrǵaqta bıleıtin flesh-mobtan bastaý alatyn Astana kúnine arnalǵan merekelik baǵdarlama ótedi.
Mundaǵy sándik-qoldanbaly shyǵarmashylyq bóliminiń tárbıelenýshiler men jas sýretshilerdiń shyǵarmashylyq jumysynyń kórmesi, breık-dans alańy, sport alańy (karate godzıý-rıý, shahmat, basketbol, fýtbol), kontserttik baǵdarlama tárizdi sharalarǵa Oqýshylar saraıynyń tárbıelenýshileri qatysady.
Qala kúnine arnalǵan «Aınalaıyn Astanam - asqaq ánim!» merekelik kontserttik baǵdarlamasyna hor, jeke oryndaýshylar men vokaldy toptar, dombyra, qobyz aspaptarynyń ujymdary, syrnaıshylar, horeografııalyq ansamblder qatysady. Ásem qımyldaıtyn jas gımnastshylar men taekvondoshylardyń epti áreketteri barshany tamasha áserge bólemek. Oqýshylar saraıynyń tálimgerleri barlyq sharalardy súıikti qalasyna arnaıdy. Sharaǵa qatysýshy qonaqtar men turǵyndarǵa sporttyq oıyndar, baıqaýlar men ásem án tamasha kóńil-kúı syılamaq.
