Elordada «Aınalaıyn Astanam - asqaq ánim!» merekelik kontserti ótedi
ASTANA. QazAqparat - Búgin elordadaǵy Oqýshylar saraıynyń ortalyq alańynda qala kúnine arnalǵan «Aınalaıyn Astanam - asqaq ánim!» merekelik kontserti ótedi. Bul týraly Astana qalasynyń bilim basqarmasynan habarlady.
Kontserttik baǵdarlamaǵa Oqýshylar saraıynyń shyǵarmashylyq ujymdary qatysady dep josparlanǵan. Atap aıtqanda, A.Imanbaeva jetekshilik etetin solıster men vokaldyq toptar, Sh.Qorǵanbekova jetekshilik etetin dombyra, qobyz ujymy, fleıtıster óner kórsetedi. Munan bólek K.Shmanov jetekshilik etetin horeografııalyq ansamblderdiń, A.Myrzabaev basshylyq jasaıtyn jas gımnasshylar men taekvondoshlardyń óneri de eshkimdi beı-jaı qaldyrmaıdy.
Oqýshylar saraıynyń barlyq tárbıelenýshileri óz ónerlerin súıikti elordaǵa arnaıdy. Kontserttik baǵdarlama men kóńildi áýender merekege jınalǵan barsha qatysýshylarǵa, qonaqtarǵa jaqsy kóńil-kúı syılaıtyn bolady.
