Elordada aımaqtyq IT baıqaýy ótedi
NUR-SULTAN. QazAqparat - 26 mamyrda Qarjy tehnıkalyq haby men AHQO bıýrosynda Qazaqstandaǵy «Technovation challenge-2019» halyqaralyq IT-jarysynyń aımaqtyq kezeńi ótedi, dep habarlaıdy QazAqparat ákimdik saıtyna silteme jasap.
Elordaǵa áleýmettik máselelerdi sheshýge baǵyttalǵan derbes damyǵan mobıldi qosymshalaryn tanystyrý (medıtsına, bilim, aqparattyq tehnologııalar, qaýipsizdik jáne beıbitshilik) úshin elimizdiń bar aımaǵynan 300-ge jýyq oqýshy keledi.
«Technovation challenge Kazakhstan» bas seriktesi jáne demeýshisi «Zhanartu» qaıyrymdylyq qory. «Technovation Kazakhstan 2019» óńirlik baıqaýynyń negizgi seriktesteri Kaspersky Lab, «Fınteh Hab MFTsA» jáne AHQO bıýrosy boldy.
Bıylǵy «Technation Kazakhstan» baıqaýyna 60 komanda qatysady, olar ózderiniń mobıldi qosymshalaryn usynatyn bolady.
Aıta keterligi, Technovation-tiń 3 jylynda qazaqstandyq bir komanda Sılıkon alqabyndaǵy barlyq jarystardyń bas júldesin jeńip alsa, taǵy úsh komanda álemdegi úzdik 6 komanda qataryna kirdi.
