Elordada aımaqtyq aýyl sharýashylyǵy jármeńkeleri ótedi
ASTANA. QazAqparat - 2017 jyldyń 13 mamyrynan 1 qazanyna deıin «Qazaqstan» saýda kesheni men «Alaı» saýda oıyn-saýyq ortalyǵynyń alańdarynda óńirlik aýyl sharýashylyq jármeńkeleri ótedi, dep habarlaıdy Astana ákimdiginiń baspasóz qyzmeti.
EKSPO-2017 mamandandyrylǵan kórmesin ótkizý kezeńinde azyq-túlik taýarlarymen qamtamasyz etý maqsatynda óńirlik aýyl sharýashylyq jármeńkesin uıymdastyrý josparlanǵan.
Jármeńkelerdi ótkizý oryndary retinde «Qazaqstan» SK jáne «Alaı» SOSO-nyń avtoturaq alańdary belgilendi.
30 myń tonnadan astam ónim usynylady, eń aldymen, jylqy, sıyr, qus eti, sút ónimderi, jarma túrleri, qant, bal, balyq jáne taǵy basqalar bar.
Sondaı-aq, kontserttik baǵdarlama uıymdastyrylady, sharanyń mýzykalyq súıemeldeýin oblystardyń shyǵarmashylyq ujymdary qamtamasyz etedi.
Jármeńke eki kún qatarynan ótedi, elorda turǵyndary men qonaqtary azyq-túlik ónimderin naryq baǵasynan 15-20%-ǵa arzanǵa satyp ala alady.
2017 jyldyń 13-14 mamyrynda dástúrli óńirlik jármeńkeler maýsymyn Atyraý, Batys Qazaqstan jáne Ońtústik Qazaqstan oblystary ashady, odan keıin keste boıynsha ótkiziledi (jármeńkelerdiń kestesi tirkelgen).
Úsh jármeńkege oblystardyń barlyq aýdandarynyń 190 óńdeý kásiporny men aýyl sharýashylyǵy qurylymdary qatysady. 300 tonna aýyl sharýashylyǵy ónimderin ótkizý josparlanyp otyr (Atyraý oblysy - 29 tonna, Batys Qazaqstan oblysy - 4 tonna, Ońtústik Qazaqstan oblysy - 265,5 tonna).
