Elordada aımaqtardyń aýyl-sharýashylyǵy jármeńkeleri ótkiziledi
ASTANA. QazAqparat - Astanada 20 qyrkúıekten bastap, demalys kúnderi el aımaqtarynyń dástúrli aýylsharýashylyq jármeńkeleri uıymdastyrylady, dep habarlady strategy2050.kz qala ákimdigine silteme jasap.
20-21 qyrkúıek kúnderi elordaǵa Almaty oblysynyń aýyl-sharýashylyǵy ónimderin óndirýshiler keledi. Munda jemis-jıdek, et jáne sút ónimderi qaladaǵy bazarlarda qalyptasqan baǵadan áldeqaıda arzanǵa satylatyn bolady.
Esterińizge sala keteıik, byltyrǵy jyly Astanada uıymdastyrylǵan jármeńkede Almaty oblysynyń ókilderi 400 tonnadan astam ónim usynǵan bolatyn. Olar tamaq ónimderiniń 24 túrin, atap aıtqanda 193 tonna kókónis, 110 tonna pııaz, 50 tonnadan astam alma, 17 tonnaǵa jýyq kúrish, 7 tonnadaı balyq, 3 tonna bal, sondaı-aq 60 tonnadan astam et jáne t.b. kóptegen ónim túrlerin ákelgen bolatyn.
