Elordada áıeldi zorlyqshydan qutqarǵan turǵyn ıtimen birge marapattaldy

Nur-Sultan qalasynyń Polıtsııa departamenti Saryarqa aýdandyq polıtsııa basqarmasy aýyr qylmys jasaýǵa árekettengen kúdiktilerdi ustaýǵa kómekteskeni úshin Sergeı Gorbýnov pen onyń ıtin marapattady. Olarǵa alǵys hat pen ıtke arnalǵan azyq berildi.

Aıta keteıik, 11 tamyz kúni elorda turǵyny Sergeı Gorbýnov malamýt tuqymdy ıtimen serýendep júrgende, áıeldi zorlaýǵa árekettengen kúdiktilerdi baıqap, polıtsııa shaqyrǵan jáne ustaýǵa kómektesken.

Qazirgi ýaqytta ustalǵan kúdiktige qatysty QR Qylmystyq Kodeksiniń 120-baby boıynsha sotqa deıingi tergeý jumystary bastaldy.

Óz kezeginde Sergeı Gorbýnov ıtiniń basqynshy emestigin, qappaıtynyn aıtty. Denıa esimdi ıt qojaıynymen birge qylmyskerlerdi qýǵan.

«Denıa ekeýmiz úıdiń janynda serýendep júrgende, Altynemel kóshesinde buta arasynan kómek suraǵan áıel júgirip shyqty. Ol eki er adamnyń zorlaýǵa árekettengenin aıtty. Men polıtsııaǵa habarlasqanda, zorlyqshylardyń bireýi qasha jóneldi. Menen de basqa jas balalar birigip, bárimiz qashqynnyń sońynan qýdyq. Meniń ıtim tóbeleske, ańshylyqqa arnalmaǵan, júriske arnalǵan. Kúshik kezinde alyp edik, 5 jyl boıy birgemiz. Ol ózine berilgen «Alǵa, júgir» degen komandalardy múltiksiz oryndady», - dep túsindirdi S. Gorbýnov.

Kúdiktilerdiń biri taksıge mineıin dep jatqanda, S. Gorbýnov pen Denıa ony ustap qalǵan jáne tártip saqshylaryn shaqyryp, qylmyskerdi tabystaǵan.