Elordada áıel men er adamnyń terezeden qulaý faktisi boıynsha is qozǵaldy
NUR-SULTAN. QazAqparat – Nur-Sultan qalasynda kópqabatty úıdiń terezesinen er adamnyń qulaýy jáne onyń artynan áıeldiń sekirip ketý oqıǵasy boıynsha qylmystyq is qozǵaldy, dep habarlaıdy QazAqparat.
«Polıtsııaǵa búgin, saǵat 18.45-te Qabanbaı batyr kóshesindegi úıdiń 8-qabatynan er adam qulap ketkeni týraly habar tústi. Oqıǵa ornyna dereý shuǵyl qyzmetter shyqty. Er adamnan keıin 40 mınýt ótken soń dál sol terezeden áıel sekirip ketti. Ol Tótenshe jaǵdaılar qyzmeti daıyndaǵan aýa jastyqshasyna tústi. Ekeýi de aýrýhanaǵa jetkizildi. 31 jastaǵy er adam men 34 jastaǵy kelinshek birge turǵany belgili boldy. Páterdi qaraý barysynda basqa adam anyqtalmady. Oqıǵanyń mán-jaıy tekseriledi. QR Qylmystyq kodeksiniń 105-baby boıynsha (Ózin-ózi óltirýge deıin jetkizý) sotqa deıingi amaldar bastaldy», - dedi Polıtsııa departamentinen.
Búgin saǵat 19.22-de Qabanbaı batyr, 40 mekenjaıy boıynsha («Infınıtı» turǵyn úı kesheni) 8-qabattaǵy atalmysh páterden áıel adam sekirip ketken bolatyn.
