Elordada áıel qudyqqa qulap ketti
NUR-SULTAN. QazAqparat – Nur-Sultanda áıel adam qudyqqa qulap ketti, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, 13 qańtar kúni astanalyq TJD Qabanbaı batyr kóshesi boıynda áıeldiń qudyqqa túsip ketkendigi habarlama kelip túsken. Jaısyz habar jetisimen qutqarýshylar oqıǵa ornyna shyqqan. Jeke quramnan 9 adam jáne 2 tehnıka oqıǵa bolǵan jerge kelip, jedel túrde qutqarý operatsııasyna kiristi.
«Qutqarý satysynyń jáne qutqarýshylar men polıtsııa qyzmetkerleriniń birlesken áreketiniń arqasynda áıel adam qudyqtan aman-esen shyǵarylyp, ol jedel járdem qyzmetkerlerine tapsyryldy. Budan soń ol 1 kóp salaly qalalyq aýrýhanaǵa jetkizilip, qazirgi kezde densaýlyq jaǵdaıy qanaǵattanarlyq, úıine jiberildi»,-delingen habarlamada.
