Elordada aıaldamalarda avtobýstardyń kelý ýaqytyn kórsetetin elektrondy tablolar ornatylmaq

Bul týraly "Astana LRT" kompanııasynyń basshysy Talǵat Ardan málim etti.

Onyń aıtýynsha, atalmysh aqparattyq tablolar qoǵamdyq kóliktiń aıaldamaǵa neshe mınýtta keletinin kórsetip turady.

«Aıaldamalarda aqparattandyrý júıeleri ornatylady. ıAǵnı avtobýstardyń kelý ýaqytyn, qoǵamdyq kóliktiń nómirin kórsetip turatyn arnaıy tablo. Ol jolaýshylar tasymalyn júıelendirýge septigin tıgizedi. Adamdar avtobýs qashan keletinin bilip otyrady. Bul qoǵamdyq kólikterdiń jumysynda ashyqtyqty qamtamasyz etýi tıis», - dep atap ótti ol Astanadaǵy qoǵamdyq kólikterge tegin wi-fi júıesin ornatýǵa qatysty ótken baspasóz máslıhatynda.

Onyń sózine qaraǵanda, avtobýstardyń júrý jıiligin anyqtaıtyn júıe de tolyqtaı ózgeredi.

«Bul túbegeıli jańa standart. Burynǵydaı dıspetcherlik qyzmet bomaıdy. Elektrondy baǵdarlamalar arqyly avtobýstardyń ýaqyt tizimi ózgeshe qurylady. Barsha álemde osyndaı tájirıbe jasalýda. Dıspetcher ózi anyqtap jatpaıdy, ol shynaıy joldaǵy jaǵdaılardy eskeretin matematıkalyq model», - dedi Talǵat Ardan.