Elordada «Aıalaǵan Astana» televızııalyq balalar baıqaýynyń aqtyq syny ótýde

Tanymal baıqaýdyń áserli fınaly «Eýrazııa» Birinshi arnasynda» tikeleı efırde kórsetilip jatyr. Televızııalyq shoý Rýslan Býtabaev basqaratyn «Zaratushtra Band» orkestriniń súıemeldeýimen ótpek. Fınalda 12 kontserttik nómir kórsetiledi. Bir qatysýshylar jeke oryndaýshy retinde óner kórsetse, basqalary dýet jáne trıolarǵa birigedi.

Uıymdastyrýshylardyń habarlaýynsha, «Aıalaǵan Astana» bolashaqta búkil eldiń maqtanyshy bolatyn talantty qazaqstandyq ánshilerdiń jańa býynyn tárbıeleýdi kózdeıdi. Jobanyń basty maqsaty - búkil respýblıka boıynsha jas daryndardy izdeý, olardyń shyǵarmashylyq áleýeti men qabiletterin ári qaraı damytýǵa kómektesý.

Іrikiteý týryna Almaty, Taldyqorǵan, Taraz, Shymkent, Qyzylorda, Qostanaı, Oral, Atyraý, Aqtaý, Aqtóbe, Qaraǵandy, Pavlodar, Semeı, Kókshetaý, Petropavl, Astana - barlyǵy Qazaqstannyń 16 qalasynyń daryndy balalary qatysty.

Fınal 2014 jylǵy 4-6 shildede Astana kúnin merekeleý aıasynda ótedi, baıqaý úsh kúnge sozylady, nátıjesinde halyqaralyq ádilqazylar alqasynyń sarapshylary jeńimpazdy anyqtaıdy. Baıqaýdyń gran-prı júldesine ıe bolǵan oryndaýshy «Detskaıa Novaıa volna» baıqaýynda Qazaqstannyń atynan shyǵý múmkindigine ıe bolady jáne arnaıy aqshalaı júlde - 1 mıllıon teńgege qol jetkizedi.

Esterińizge sala keteıik, «Aıalaǵan Astana» Astana ákimdigi jáne «Nur Otan» HDP bastamasymen Qazaqstandaǵy óskeleń mýzykanttarǵa kómek retinde qurylǵan joba. Alǵash ret «Aıalaǵan Astana» atty balalardyń ulttyq mýzykalyq televızııalyq baıqaýy 2013 jyly ótkizildi.